Nakaangkon og pangos ug bun-og sa kalawasan ang mga drayber sa duha ka mga sakyanan nga nalambigit sa disgrasya sa Bunawan ning dakbayan sa Davao kaganihang buntag.
Subay sa report sa kapulisan, nahitabo ang panagbangga sa Prk.5-B Brgy. Bunawan,ning syudad atubangan sa Crossing Punong 2,pasado alas sais kaganihang buntag.
Ang duha ka mga biktima giila sa mga otoridad nga si Jobet Rabuta Cruz, drayber sa PUJ ug usa ka pasahero nga si Jacinto G. Fuentes Jr.
Samtang karon padayon pa nga giila ang usa ka drayber sa Multicab nga adunay plate no. LHM 315.
Sumala pa sa gihimong imbistigasyon sa kapulisan, nagsubay ang duha ka mga sakyanan sa Daang Maharlika Highway sa managlahing direksyon, nga anaa sa inner lane ug outer lane, apan ang usa ka pasaheroang multicab sumala pa misubay kini sa dili niini dalan nga maoy hinungdan nagbangga ang duha ka mga sakyanan nga miresulta sa pagka-angol sa drayber ug sakay niini samtang ang drayber sa usa ka multicab ang nadaro sa daplin nga miresulta sab sa pagkaangol niini.
Dali nga gidala ang mga biktima sa Southern Philippine Medical Center.
Samtang ang duha ka mga sakyanan ang nakahiagom ug dagkong danyos tungod sa maong panghitabo.
