DAVAO CITY – Susama nga mireklamo sa Talomo Police Station ang duruha ka mga babaye human nga gibaklad sumala pa sila sa ilang kaubanan sa trabaho.
Naila ang mga reklamante nga sila si Carrien Laica Sunapig, 23 anyos, dalaga, admin/acctg. Staff ug residente sa Kilometer 11 Bayview, Sasa ning dakbayan sa Davao ug Sharmaine Arias Moreño, 21 anyos, dalaga, residente sa Cony Village, Dacudao Avenue ning dakbayan.
Sumala sa mga biktima samtang anaa sila sulod sa banyo sa usa ka gasoline station nga ilang gi-trabahoan sa may Ulas ning siyudad, namatikdan nila nga adunay tawo sa may exhaust fan sa CR hinungdan nga misinggit ang mga nahisgutan.
Dali sumala pa nga misibat ang nangbaklad apan dihang gi-review ang kuha sa CCTV camera, nasayran nga usa kini sa ilang mga empleyado nga nailang si Jenil Carado Alcairo, hamtong ang pangidaron, residente sa Upper Ulas ning siyudad.
Gi-refer una ang kaso sa Barangay aron nga husayon ang maong reklamo.
