Lauman pa ang pagsulod sa 2 hangtod 3 ka tropical cyclones alang sa bulan sa Agosto dinhi sa Philippine Area of Responsibility. Base sa tracking sa weather bureau sa Department of Science and Technology, adunay hangtod sa 4 ka cycling potential trak alang sa kinatibuk-ang bulan sa Agosto.
Posible matud pa ang pipila niini ang motugpa sa pinakatumoy nga dapit sa aminahang dapit sa Philippine Area of Responsibility.
Wala kini ginalaumang mag landfall sa kayutaan sa Pilipinas apan makapakusog kini sa Southwest Moonsoon o mas nailhang hanging habagat.
Bisan gamay ang tyansa nga kini ang mo landfall apan adunay pipila ka mga potential scenario nga posibleng mahitabo sa bulan sa Agosto.
Isa niini mao ang posibleng pag-landfall sa extreme northern island sa Pilipinas sa isa ngadto sa duha ka bagyo.
Ikaduhang scenario mao ang posibilidad nga paglandfall sa isa o duha ka bagyo sa may northern parts sa Luzon area nga moluhos ngadto sa Vietnam nga nasud.
Matud pa nga ang mosunod nga 3 ka bagyo sa Pilipinas ang pagatawgon nga Dindo, Enteng ug Ferdie.
Kahinumdumang unang misulod sa nasud Pilipinas ang bagyo nga Aghon, Butchoy ug Carina sa unang bahin sa tuig 2024.
Sumala pa sa maong ahensya nga posibleng mosulod sa Pilipinas ang walo hangtod trese ka mga tropical cyclones sa nahibiling bahin sa tuig 2024.
Sa umaabot nag bulan agosto, duha ang psibleng umabot nga bagyo, duha hangtod 3 ka bagyo alang sa Setyembre ug alang sa Oktubre ang duha hangtod tulo usab.
Usa hangtod duha ang posibleng mosulod sa bulan sa Nobyembre samtang sa alang sa bulan sa Disyembre usa hangtod duha usab ka bagyo.
