-- ADVERTISEMENT --
DAVAO CITY- Wala na natabang pa ug nakabsan gayud sa kinabuhi ang usa ka dos anyos nga batang lalaki human kini nga mahulog sa tulay.
Subay sa imbestigasyon sa otoridad, ang maong bata nahulog sa usa ka tulay diin ilalom niini adunay dagat hinungdan usab nga nalumos ang bata gumikan kay dili kahibalo mulangoy.
Ang maong biktima giilang si Jacktek Gonzales, 2 anyo ug residente sa San Jose, R. Castillo Agdao ning siyudad.
Sa pikas bahin, nagpahimangno usab ang otoridad nga dili pasagdan ang mga bata ilabi na kung duol sa tubigan nga lugar sama sa sapa ug dagat gumikan usa lamang ang kinabuhi sa tawo ug di na kini mabalik pa.
