DAVAO CITY – Nahimong simple lamang ang gihimong pagpanumpa sa iyang katungdanan ni Davao city First District Representative Paolo Duterte kagahapong adlawa Hunyo 28, 2022.
Subay sa gipagawas nga mga hulagway ug video sa Opisina ni Rep Pulong Duterte, gipahigayon ang pagpanumpa niini sulod lamang sa iyang panimalay dinhi sa dakbayan sa dabaw atubangan mismo sa iyang amahan nga si Pangulong Rodrigo Duterte kagahapon sa hapon.
Samtang, wala pay gipagawas nga pahayag ang kongresista kung nganong wala kini makatambong sa oath taking sa iyang mga igsuon nga sila Vice President Sara Duterte niadtong June 19, 2022 ug Mayor elect Sebastian Baste Duterte kagahapong adlawa.
kahinumduman nga atol sa speech ni pangulong Duterte isip guest of honor sa oath taking ni Mayor Baste, mga konsehal sa syudad ug mga kongresista kagahpong adlawa gipangita niini si Polong.
Na-una nang gipahayag ni Congressman Polong Duterte ngadto sa mga tigbalita nga buot niya nga magbaton ug simple lamang nga oathtaking nga bugtonjg kauban lamang ang iyang asawa ug mga anak isip mga saksi.
