DAVAO CITY – Gihikay na sa mga kabanay nga madala ang patay nga lawas sa helper sa truck sa dakbayan sa Cagayan de Oro human nga nabangga sa puno-an sa mangga ug nahulog sa pangpang ang dump truck nga ilang gisakyan.
Kahinumduman nga patay ang helper sa dump truck human nga nabangga sa punoan sa mangga ug nahulog sa pang-pang kagahapong adlawa.
Naila ang biktima nga usa ka Jimboy Olosiyo, baynte anyos, residente sa Cama, Cagayan de Oro City, samtang dali sab nga gidala sa Southern Philippines Medical Center (SPMC) ang driver nga usa ka Alexis Denlos Dicto, 32 anyos nga residente sab sa Bukidnon.
Nasayran nga samtang nagbiyahe ang nahisgutan nga dump truck nga dunay plate number WIK 417 sa Eden road, ning dakbayan sa Davao ug padulong unta sa Toril Poblacion, apan sa paghi-abot sa Sitio Carnagan, Bayabas, Toril, ning dakbayan sa Davao, kalit sumala pa nga nawad-an ug control ang driver sa gimaneho nga trak, hinongdan nga nabangga sa puno-an sa mangga.
Nasayran nga human sa pagkabangga milahos ang dump truck sa pagkahulog sa pang-pang.
