DAVAO CITY Moabot sa 180 ka mga tawo ang nadakpan sa kapulisan nga nakasupak sa COMELEC Gunban.
Subay sa record sa police regional office 11, gikan Enero 9 hangtud June 2, 2022 moabot sa 171 ka mga nagkadiayang matang sa armas ang nakompiska samtang naa usab sa 32 ka mga deadly weapons ang na-recover.
Gikanayon sa PRO 11 nga pulos napasakahan na ug mga kaso ang 180 ka mga indibiduwal nga nangadakpan.
Kadaghanan sumala pa sa mga nangadakpan nga nakasupak sa Gunban ang nasikop atol sa gilusad sa kapulisan nga buy bust operation samtang ang uban pinaagi sa police response lakip na sa mga nadakpan sa mga checkpoint.
Samtang, padayon usab ang panawagan sa kapulisan ngadto sa publiko nga nagpabilin gihapon ang pagpatuman sa comelec gun ban bisan pa man ug pipila na ka semana na ang nakalabay human ang May 9 local ug national elections sanglit nagpabilin gihapon ang nasud sa election period hangtud na sa June 8, 2022.
