DAVAO CITY – Moabot na sa 18 ka mga kliyente hangtud kagahapong adlawa May 16, 2022 ang na-serbisyuhan sa Davao City OFW Family Welfare and Crisis Center, sumala pa sa City Social Welfare and Development Office (CSWDO).
GIkanayon ni CSWDO Head Atty Marlisa Gallo, ang nahisgutang ihap ang lakip usab niadtong mga naserbisyuhan sukad niadtong May 2, 2022.
Sa 18 ka mga kliyente, 15 niini ang mga residnete sa dakbayan sa dabaw samtang ang uban ang naggikan sa gagawas sa syudad.
Unom niini ang mga walk in cases samtang ang lima ang na- reached out pinaagi sa online.
Gawas sa financial assistance alang sa mga OFWs ug sa ilang mga pamilya, naka-benipiyo usab ang mga kliyente sa psychosocial services nga gitanyag sa OFW Family Welfare and Crisis Center.
Gikanayon sa hepe sa CSWDO nga bisan ug ang ordinansa nga mimugna sa crisis center nagtumong aron tabangan ang mga documented OFWs, apan mamahimo usba nga makapahimulos sa mga serbisyo sa programa ang mga dili dokumentado nga mga OFWs ug ang mga pamilya niini.
Gawas sa direktang pagtabang sa pamilya s amga OFWs, ang Family Welfare and Crisis Center ang nagsilbi usab nga coordinating office tali Davao City-based OFWs ug sa lain-laing national government agencies nga miskaop sa kaayuhan sa mga OFW.
Aron masiguro ang episyanting sistem sa programa, gikatakdang magmugna ang CSWD ug usaka database sa mga Dabawenyo OFWs alang sa mas maayong pagkuha ug mga impormasyon demographics sa mga OFW nga taga dabayan sa dabaw latas sa tibuok kalalibutan.
