Nadakpan ang 18 anyos nga babae nga nang-shoplift sa NCCC department store sa may centerpoint mall, Matina Crossing, Davao City kagahapong adlawa alas 6:50 ang takna sa hapon, Abril 11, 2023.
Subay sa report sa kapulisan, giila ang dinakpan nga si Jannelle Panon Albaraco, 18-anyos, babae, single, residente sa KM 9 Matina Pangi, Davao City.
Samtang ang guard nga nakasakop sa maong insidente giila nga si Shuaeb Duna Amerkhan, 39-anyos, lalake, security guard, ug boarder sa Sped Bangkal, Davao City.
Sumala pa sa report nga alas 6:50 ang takna sa gabii sa nasampit nga mall namatikdan sa nahisgutang gwardya nga ang suspek kaduda-duda matod pa ang nilihokan diin gibantayam niya kini og maayo ug sa higayon nga mo gawas kini nakuhaan kini og pipila ka mga produkto nga ginabaligya sa maong department store, diin walay napakita nga resibo ang maong suspek sa iyahang gipangkuha nga gamit rason nga gidakop kini ug gi endorse sa kapulisan.
Samtang ang mga gamit nga nakuha sa maong suspek mao ang:
1.) Seaguy Pamaypay pricePhp149.75;
2.) Klik Hair Color price Php89.75;
3.) MX L&C Tint Cool price Php175;
4.) Correction Tape price Php38;
5.) Omo white price Php220;
6.) Ever Bilena Matte Lipstick price Php195,
7.) Eyeliner Pencil price Php12;
8.) Eye liner price Php180;
9.) Silka lotion Php151,31;
10.) Rexona price Php129.20;
11.) Liquid Blush Php119;
12.) Maskara price Php139 ug
13.) Concealer price Php139, diin aduna kinatibuk-ang kantidad nga kapin 1,700.
Ning kasamtangan, anaa sa kustodiya sa kapulisan ang maong suspek aron mag-atubang og kaso.
via || Bombo Mel Valledor
