-- ADVERTISEMENT --
DAVAO CITY- Mikabat sa desi-syete ka panimalay ang naugdaw sa natigayong sunog kagahapong adlawa sa Purok 16, barangay Crossing Bayabas, Toril ning dakbayan sa Dabaw.
Matud pa sa report gikan sa Davao City Fire District nga miabot ngadto sa desi-nuebe ka mga pamilya ang na apektuhan niini ug nawad-an ug puy-anan.
Gideklara sa mga mirespondeng kabomberuhan nga fire out na ang maong sunog bandang alas 2:52 sa hapon ug ning kasamtangan padayon pang ginatumbok ang hinungdan sa maong natigayong sunog.
Gikataho usab nga mikabat sa gibana-banaang P166,250 ang damyos sa maong panghitabo.
Ning kasamtangan ang maong mga biktima ang anaa na sa evacuation center ug nahatagan na kini sila og paunang tabang sa lokal nga panggamhanan.
-- ADVERTISEMENT --
