DAVAO CITY – Magpahigayon ang City Veterinarian’s Office ug libre nga bakuna sa gibana-banaang 155,000 dogs isip kabahin sa selebrasyon sa Rabies Awareness Month karung bulan sa Marso.
Matud pa kang animal disease prevention chief Dr. Gay Zaragosa Pallar, kinahanglan nga anaa sa minimum nga 120,000 ka mga iro ang mabakunahan matag tuig aron nga malikayan ang pagkatag sa bisan unsa man nga disease.
Sa milabay nga tuig, anaa sa 13 ang namatag nga hinungdan sa rabies, pinasikad sa datus gikan sa Department of Health (DOH) XI.
Dyutay kini nga ubos kung itandi sa datus kaniadtong 2015, diin anaa sa 16 ang natalang namatay. Nag-una pa gihapon sa animal bites ang mga iro nga anaa sa 36,714, kini tungod sa kawad-on sa pagpatuman sa Rabies Act or Republic Act 9482.
Misunod niini ang pinaakan sa iring nga anaa sa 10,000. Halos katunga sumala pa sa animal bites sa milabay nga tuig ang natala sa dakbayan sa Davao nga anaa sa 24,048. Misunod niini ang Davao del Norte (9,806), Davao Occidental ug Davao del Sur nga adunay kinatibuk-ang 5,558, Compostela Valley (5,296), ug Davao Oriental (3,415).
