DAVAO CITY – Andam na ang 14 ka mga nurses nga ipahimutang sumala pa sa Davao International Airport kini aron mo-abag sa pagmonitor sa mga tawo nga posibleng mataptan ug Corona Virus disease (Covid-19).
Una ng gibutyag ni Department of Health Davao Regional Director Dr. Annabelle Yumang, ang 14 ka mga nurses ang muabag sa Bureau of Quarantine aron musuta sa mga pasahero kung aduna ba kini sakit o mga sintomas sa coronavirus disease (COVID-19).
Gawas sa sintomas sa balatian, lakip sab nga sutaon ang mga dokumento niini hilabi na kung gikan ang nahisgutan sa mga nasud nga adunay positibong kaso sa covid.
Sa kasamtangan, gipailawum sa training ang mga nahisgutan labot sa ilang mahinungdanong tahas aron mapugngan ang pagkatag sa virus dinhi sa rehiyon.
Subli sab nga gipahimangnoan ni Yumang ang publiko nga mas maayong likayan ang paggamit ug facemask ilabi na kung walay gibati nga balatian.
Panahon nga moubo, mas maayo sumala pa nga tabonan ang baba gamit ang panyo o mas maayo sab nga gamiton ang bukton aron nga itabon sa baba.
Angayan sab sumala pa dili na gamiton pagbalik ang mga facemask nga gigamit sanglit mamahimong mutapot na ang virus dinhi.