DAVAO CITY – Mikabat sa 132 ang nabakunahan sa Dengvaxia Vaccine sa Davao region nga padayon’ng gimonitor sa mga pribadong ospital.
Kini ang gikumpirma ni DOH Assitant Sectary Abdullah Dumama Jr. Sumala pa niini nga well monitored ang mga nabakunahan nga mga bata sa pribadong hospital.
Wala usay natala nga dunay namatay sa mga natuplokan.
Samtang, gipangunahan usab ni Dumama ang ground breaking ceremony alang sa Quarantine Building nga itindog dinhi sa dakbayan.
Ang nasampit nga Quarantine building nagkantidad ug P79.7 million nga itindog sa Chavez St. Ramon Magsaysay, Davao City.
Ang nasampit nga building himoong quarantine o isolation area kung diin ibutang ang mga tao nga gisuspetsahan nga dunay pinsahi nga balatian sama na lamang sa SARS o EBOLA.
Gawas sumala pa sa Davao, dunay mga quarantine buildings usba sa ubang lugar sa Mindanao partikular na sa Cagayan de Oro City, General Santos City ug Zamboanga City.
Sumala pa ni Dumama nga sa musunod nga tuig lauman nga hingpit na kini nga matapos.
