DAVAO REGION- Patay ang usa ka menor de edad nga motorcycle rider human nga natugpahan sa usa ka motorsiklo sulod sa racing area kagahapong adlawa.
Giila ang biktima nga si Arjay Gonzaga nga taga Digos City.
Subay sa inisyal nga report, natigayon ang maong panghitabo sa munisipalidad sa Compostela Davao De Oro atol sa Motor Cross competition alayon kini sa Araw ng Compostela nga gisalmutan sa mga nagkadaiyang motorsaykol riders dinhi sa Mindanao.
Dugang pa sa impormasyon nga niadtong tungura nagbansay ang biktima sa racing area uban ang mga hamtong nga mga motorsaykol riders, apan kalit lang natugpahan ang biktima niadtong tungura human nga adunay stunts nga gipakita sa mga nagbansay niadtong tungura ug naatlan nga didto mitugpa sa biktima.
Gidali pa kini ug tabang sa mga rescuers niadtong tungura ang menor de edad ug gidala sa balay tambalanan apan nakabsan gihapon kini sa iyahang kinabuhi.
Nasayran nagadayo na ang biktima pinaagi sa maong kompetisyon sa bisan asa nga bahin sa Mindanao nga nagapakita usak kini sa iyanag mga stunts sa pagdala iyahang motorsiklo nga 60cc ilawom sa Kids Category.
Naila usab ang biktima sa tawag nga King Cobra ng Digos.
