Gikatala sa Commission on Population and Development (CPD) nga mosobra sa 22,000 ka mga babaye nga anaa sa edad nga 13-15 anyos ang nakasinati ug pabalik-balik nga pagkabuntis o repeat pregnancy.
Bisan paman nga nahimong hinungdan ang pandemya sa COVID-19 sa pagsaka sa kaso sa sayo nga pagbuntis, gikanayon sa CPD ang papel sa kultura sa komunidad.
Gihimong ehemplo nga napugos mag-uban sa usa ka balay ang usa ka batang ina ug ang nakapabuntis sa iyaha. Matod pa sa CPD, mamahimong timailhan sa pagpangabuso ang dakong destansya sa edad sa usa ka batan-ong babaye ug ang nakapabuntis sa iyaha.
Gumikan niini, nanawagan si Sen. Win Gatchalian nga hugot ipatuman ang mga balaod nga nagtumong protektahan ang mga batan-ong babaye sa pagpangabuso.
Usa na niini ang Republic Act No. 11596 nga nagdili sa child marriages, kung diin ang usa o mosobra pa sa mga gikasal ang menor de edad.
Gihatagan usab ug proteksyon sa balaod ang mga 18-anyos pataas nga walay katakus ampingan o protektahan ang ilahang kaugalingon sa pisikal o mental nga kahimtang.
Gidili usab sa nahisgutang balaod ang panag-uban sa usa ka bata ug edaran na nga dili kasal.
