DAVAO CITY- Nagmalinawon ang pagsaulog sa ika- 126th Independence Day ning dakbayan diin kini ang gipangunahan ni Vice President ug Department of Education Secretary Sara Duterte ang pagsaulog sa 126th Independence Day dinhi sa dakbayan sa Davao.
Gibuhat ang maong aktibidad sa Rizal Park ning dakbayan kong diin gisalmutan kini sa mga opisyal gikan sa lokal nga panggamhanan sa syudad ug nagkadaiyang mga security personnel.
Nagsugod ang maong aktibidad sa alas otso sa buntag kong diin gisugdan kini sa Wreath Laying Ceremony kong diin mismo nga si VP Sara ang manguna niini.
Sa mensahe sa bise presidente, gihatagan niini og gimbug-aton ang importansya sa pagselebrar sa adlaw kong diin nakab-ot sa Pilipinas ang kagawasan gikan sa mga mananakop, pag-awhag sa mga kabatan-onan nga mahimong aktibo ug kinahangln adunay kaalam sa mga panghitabo sa nasud ug ang pagpadayon sa pagkalig-on padulong sa ika-maayo sa atoang nasud.
via/ DMA
