Mokabat sa 35 ka mga indibidwal ang apektado sa nahitabong sunog kagabii sa Purok Medalla Milagrosa, Buhangin District ning syudad sa Davao.
Samtang anaa usab sa 12 ka mga pamilya ang apekto atol sa sunog nga nahitabo pasadp alas 7;00 kagabii.
Sa gipahigayon nga imbistigasyon sa mga otoridad, usa ka kandila ang napasagdan nga nagsiga nga maoy hinungdan sa pag-ulbo sa kalayo.
Nasayran nga duha ang totally damage nga panimalay samtang duha usab ang partially damage.
Sa pagkakaron, gipahiluna na ang mga biktima sa covered court sa nasampit nga lugar.
Samtang padayon karon ang gihimong assessment sa mga personahe sa City Social Welfare and Development Office (CSWDO) ngadto sa mga pamilya pinaagi sa pag-deploy sa mobile kitchen alang sa libreng pamainit ug pagpanghatag sa mga non-food assistance.
Nag-awhag usab ang ahensya nga kung adunay itunol nga tabang makig-alayon lamang sa ilahang buhatan og sa baranggay.
