DAVAO CITY – Dose ka mga barangay sa siyudad ang gipailalom karon sa City Health Office (CHO) isip “dengue hotspots” gumikan sa 937 dengue cases nga natala sa unang quarter ning kasamtangan nga tuig.
Sumala sa City Health’s Tropical Disease Prevention and Control Division, ang nahisgutan nga mga barangay gilangkuban sa Buhangin Proper, Cabantian, Matina Crossing, Talomo Proper, Toril, Calinan, Wilfredo Aquino ug Lapu-Lapu sa Agdao, Catalunan Grande, Barangay 19-B, Barangay 76-A ug Marilog.
Sumala pa kang Melodina Babante, CHO pest control worker, nga pipila sa mga komunidad ang nagpabilin pa gihapon ang taas nga kaso sa dengue luyo sa gipahigayon nga clean up drive sa local government units.
Hinuon gitataw ni Babante nga luyo sa nahisgutan nga kaso, wala sumala pay gibutang nga adunay outbreak sa dengue cases sa siyudad. Sa 937 ka kaso, adunay tulo ang natalang patay.
Una ng gibutyag sa CHO nga ang mosquito-borne disease ang taas sa bulan sa Enero uban ang 298 ka kaso, apan ubos sa Pebrero nga adunay 196 ka kaso, Marso nga adunay 123 ka kaso, Abril nga adunay 118 ka kaso, Mayo nga adunay 105 ka kaso ug Hunyo adunay 97 ka kaso.
Gikanayong ang ihap sa first half karong tuiga nga anaa sa 937 ang mas taas kung itandi sa 665 ka kaso sa susamang panahon sa milabay nga tuig 2018.
