Gipahibalo sa City Health Office (CHO) nga 115 ka lalaki ang napailawom sa vasectomy gikan Enero hangtod Hunyo 2025, ilawom sa kampanya sa pagpasiugda sa family planning ug reproductive health.
Sumala ni Population Program Officer II Justice Mindanao Rasgo mas taas kini nga ihap kung itandi sa 126 nga naitala sa tibuok tuig 2024, nga nagpakita sa pagdagsa sa mga interesado nga moapil sa programa.
Ang mga nakapailawom sa vasectomy nagrange sa edad 18 hangtod 64 anyos, nga nagpamatuod sa mas lapad nga pagdawat sa maong serbisyo.
Lakip sa programa ang libre nga counseling sa health centers aron masabtan sa mga pamilya ang ilang mga kapilian.
Ang CHO mitabang usab sa ubang lugar sama sa Siargao, Panabo, Tagum, General Santos, ug Cagayan diin adunay 18 ka procedures nga gihimo.
Gipasiugda usab sa CHO ang serbisyo sa mga Lumad nga komunidad sa Salapawan ug Paquibato District aron mapalig-on ang kahibalo ug kahimtang sa planadong pagpamilya.
