Gisugdan na ang imbestigasyon sa nahitabong pagbangga sa usa ka sakyanan atol sa usa ka Pinoy street festival sa Vancouver, Canada, nga misangpot sa kamatayon sa pipila ka mga tawo, sumala ni Canadian Prime Minister Mark Carney.
Nasayran nga adunay 11 ka mga tawo ang namatay sa “Lapu Lapu Day ‘25 Block Party” sa Vancouver. Sumala sa Vancouver police, ilahang nadakpan ang usa ka 30-anyos nga lalaki nga residente ra usab sa nasampit nga lugar.
Gidugang usab sa mga otoridad nga kompiyansa sila nga ang nahitabo dili usa ka teroristang binuhatan. Samtang, sumala sa mga saksi, una ng gigukod ug gidakop sa mga mga tawo nga nitambong sa festival ang suspetsado hangtod nga niabot ang kapulisan.
Gidugang pa sa mga otoridad nga gidala sa lain-laing mga ospital ang mga samaran nga biktima.Nahitabo ang insidente pagkahuman sa alas-8 sa gabii duol sa East 41st Avenue ug Fraser Street, diin gipahigayon ang Lapu Lapu Day Block Party.
