DAVAO CITY- Gisugdan na karong semanaha sa Land Transportation Office kon LTO ang pagdeploy sa 11 ka mga deputized traffic enforcers nga personahe sa Philippine Coast Guard.
Ang maong mga opisyal ang naka-kompleto training ug orientation sa Special Action and Intelligence Committee for Transportation kon SAICT.
Sumala pa ni Lt. Commander Angel Tobias, Chief of staff ug tigpamaba sa Coast Guard District Southeastern Mindanao nga ang maong mga personahe sa PCG ang initial nga gi-assign sa syudad diin aduna kini silay partner nga officers gikan sa LTO XI aron magmonitor og magbuhat sa traffic regulations.
Dugang pa niini nga aduna pay ikaduha nga batch sa maong mga PCG personnel nga naka-iskedyul usab nga mupailawom sa SAICT training ug ideploy gayud sa nagkadaiyang bahin sa rehiyon.
Kahinumduman nga niadtong adlaw biyernes, Hulyo 22 adunay nahitabong inaugation sa SAICT ngadto sa Coast Guard District Southeastern Mindanao headquarters.
Pagbutyag pa sa maong opisyal nga ang maong mga personahe ang mutabang sa pagtubag sa mga pagsulay nga nasinatian sa transportasyon sa rehiyon onse diin lakip na niana ang iligal nga operasyon sa mga sakyanan, traffic vioations ug traffic sa mga airports ug pantalan.
Sumala pa ni Commodore Rejard Marfe, Commander sa CGDSEM nga ang pagdeploy sa mga nabansay nga personahe sa coast guard ang ginalaumang mga tabang sa pagmanage sa trapiko ug mapalig-on pa ang raod safety sa syudad sa dabaw.
Dugang pa nga makatabang gayud ang SAICT ubos sa Department of Transportation alang sa pagsiguro sa seguridad sa publiko sa sistema sa transportasyon.
