DAVAO REGION- Gipahigayon sa 10th Infantry (Agila) Division, Philippine Army ang tinuig nga general inspection sa Camp General Manuel T. Yan Sr. Mawab, Davao de Oro.
Atol sa maong kalihukan, gisugat sa mga kadagkoang opisyal si Major General Rommel Tello, Philippine Army Inspector General,ug ang iyahang mga kaubanan.
Ang nasampit nga pagbisita maoy timaan sa pag-evaluate sa mga kasundaluhan alang sa kinatibuk-an niini nga kaandam ug ang ilahang gipangbuhat.
Atol sa pagpamulong sa heneral, gipasabot niini ang kamahinungdanon sa pag-evaluate sa mga personahe ilabi na sa ilahang operational readiness aron nga masiguro ang katakos sa mga kasundaluhan.Gihatagan sab niini ug pagtagad ang importansya sa panaghiusa sa ilahang panon, ug ang papel niini sa mga gikinahanglan nga sitwasyon nga makapadugang sa kalambuan sa ilahang han-ay.
Samtang gipasalamatan sab niini ang 10th Infantry Division sa walay hunong nga pagpatuman sa kalinaw ug kalambuan, pag-ila sa mga pamaagi ug estratihiya sulod Philippine Army.
Kalakip sab sa subayon ang leadership ug management status, morale and welfare, discipline, ingon man ang law and order.
Ang resulta sa maong inspection, gamiton alang sa pagrekomenda sa mga estratehiya alang sa pagapadayon sa kalambuan sulod sa 10th Infantry Division.
