DAVAO CITY – Magpabilin gihapong bigilante ang 10th Infantry Division bisan pa man naangkon sa Davao Region ang pagka-gawasnon sa insurhensiya.
Gikanayon ni Division Commander Major General Nolasco Mempin nga dagkong hagit sa han-ay sa kasundaluhan ang pagpugong sa pagbalik sa mga napakgang na mga rebeldeng grupo apan magpadayon gihapon ang ilang pagbantay sa seguridad ilabi na sa paghatag ug panginabuhian sa katawhan inubanan sa uban pang mga ahensya sa gobyerno.
Dugang pa ni Mempin nga anaa gihapon ang presensya sa AFP, apan gikinahanglan gihapon ang suporta sa ubang mga ahensya.
Pinaagi sab sa maayong pagdumala, makahatag ug tubag sa mga nag-unang suliran sa matag lokal nga panggamhanan. Gidayeg sab sa 10ID ang mga paningkamot sa Police Regional Office 11 ilawom sa pagdumala ni Police Brigader General Benjamin Silo Jr. sa pagmentenar sa kalinaw diri sa rehiyon.
Kahinumdumang personal nga nasaksihan ni President Ferdinand R. Marcos Jr. ang pormal nga pagdeklara sa Davao Region isip insurgency free sa iyang pagbisita sa Davao City niadtong Oktubre 27 ning tuig kasamtangan.
via || Bombo LJ Florendo
