DAVAO CITY – Gikabutyag ni 10th Infantry Division spokesperson Capt. Mark Anthony Tito, nga posibleng anaa lamang sa palibot ang usa sa mga ginapangitang suspek sa kamatayon sa negosyanteng si Yvonette Chua Plaza.
Aduna na’y lead ang kasundaluhan mahitungod sa gikahimutangan karon sa nag-AWOL nga sundalong si PFC Rolly Cabal, apan dili pa sila makahatag og impormasyon.
Hinuon, nagpadayon gihapon ang pakigkoordina sa kasundaluhan ngadto sa pamilya sa nawalang sundalo.
Dugang niana, gipaklaro sab ni Captain Tito nga usa sa duha nga giilang John Doe, nasayran nga myembro sa AFP nga usa ka master sargeant, samtang ang laing John Doe, dili myembro sa kasundaluhan.
Kahinumdumang niadtong Enero 25, gitudlo sa SITG-Plaza ang 10 ka mga salarin sa pagpatay sa negosyante diin giilang mastermind ang kanhi Brigade Commander sa 1001st Infantry Brigade nga si Brigader General Jesus Durante III.
via || Bombo LJF
