DAVAO CITY – Magpahigayon og kaugalingong imbestigasyon ang 10th Infantry Division sa Philippine Army mahitungod sa kamatayon sa myembro sa 25th Infanty Batallion nga si Sargeant Rene Herena Asio.
Sumala ni Captain Mark Anthony Tito, tigpamaba sa 10th ID, bisan pa man nga nagpahigayon na og lalom nga imbestigasyon ang kapulisan, magpahigayon usab ang kasundaluhan og parallel investigation aron masuta ang hinungdan sa natigayon nga pagpamusil.
Mudalit usab og tabang pinansyal ang kasundalohan ngadto na sa nahibilin nga kabanay sa gipatay nga sundalo. Kahinumdumang gipusil patay si Asio, samtang nagtalikod kini dihang nipalit lamang unta kini og tambal sa usa ka botika sa Barangay Bangkerohan Sur, Montevista, Davao De Oro pasado alas 8 sa gabie kaniadtong Sabado, Enero 21.
Paspas usab nga nakasibat ang suspek sakay sa usa ka blue nga motor nga walay plate number paingon sa wala pa matinong direksyon.
Nakahiagom ang biktima og nagkadaiyang samad pinusilan samtang wala kini makasagang sa pagpusil kaniya sa pipila ka higayon. Samtang, naangin usab ang clerk sa pharmacy nga si Carla Mae Tupas ug gilayon kini nga gidala sa balay tambalanan.
Ginalantaw karon ni Montevista Municipal Police Station Acting Chief of Police Police Captain Alvin Atienza nga pagpanimalos ang usa sa giingong motibo sa krimen ug kasamtangang aduna na silay person of interest sa natigayong pagpamatay.
via || Bombo JM & Bombo LJF
