DAVAO CITY – Nagpadayag og suporta ang 10th Infantry Division sa natigayong imbestigasyon sa SITG Plaza ilabi na sab sa han-ay sa kapulisan sa Police Regional Office 11.
Sumala ni Capt. Mark Anthony Tito, tigpamaba sa 10ID, dili nila i-condone ang mga bihuhatan sa bisan unsang law enforcing personnel nga matud pa sukwahi sa prinsipyo sa pagpatuman og balaod.
Nagpabilin gihapong taas ang moral sa kasundaluhan ug dili nila tugutan ang mga makadaot nga binuhatan sa mga myembro sa kasundaluhan nga ilang pagasilutan sa panahon nga masakpan.
Gikumpirma ni Capt. Tito nga aduna nay muhulip sa suspek nga si Commander BGen Jesus Durante III isip 1001st Infantry Brigade acting commander, ug giili nila kini nga si Colonel Febie Lamerez samtang deputy brigade commander ang pagahulipan ni Colonel Gerry Besana.
Gikabutyag ni Capt. Tito nga wala kaayo nangilabot ang tropa sa kasundaluhan sa imbestigasyon tungod bugtong SITG lamang ang makabutag sa mga nasayrang impormasyon, ug buot lamang ihatag ngadto sa SITG Plaza ang ilang suporta sa ngalan sa kamatuoran.
Nakakuha sab ug mga importanteng impormasyon gikan sa board of inquiry mahitungod sa usa nila ka sakop sa han-ay nga nalambigit sab sa maong krimen ug kasamtangang ginapangita karon nga si Private First Class Romart Longakit. Gilayong nakatabang kini aron gamiton ang maong impormasyon alang sa imbestigasyon.
Gipaninguro karon sa 10ID nga dili matud pa service – related ang natigayong krimen, apan takus nga makiglambigit kini sa nagpahinabong imbestigasyon sa kamatayon sa negosyanteng si Yvonette Chua Plaza.
via || Bombo LJF
