DAVAO CITY – Pipila ka adlaw ayha matapos ang ikaduhang hugna sa Sabayang Patak kontra Polio, hapit na matud pa nga makab-ot sa City Health Office (CHO) ang ilang target nga ihap sa mga bata nga mabakunahan.
Sumala pa kang Dr. Gene Gulanes, Assistant City Health Officer sa CHO, nga ayha matapos ang bakuna batok polio sa Pebrero 2 ning kasamtangan nga tuig, positibo ang ahensiya nga ilang makab-ot ang 105% immunization coverage.
Sa kasamtangan, anaa na matud pa karon sa 193,548 ka mga bata ang ilang nabakunahan nga nag edad 5 anyos paubos. Subling nanawagan ang opisyal ngadto sa mga ginikanan nga pahimuslan ang kahigayonan ayha matapos ang adlaw sa immunization ug walay angayan nga kabalak-an ang mga nahisgutan gumikan luwas ang bakuna batok sa polio.
Pahayag ni Dr. Gene Gulanes, Assistant City Health Officer sa CHO.
