DAVAO CITY – Dako ang pagpasalamat sa mga kanhi rebelde gumikan kay nakadawat sila ug hinabang gikan sa kagamhanan atol sa gipahigayon nga turn over sa E-CLIP assistance to compostela Valley Beneficiaries kagahapong adlawa nga gipangunahan sa mga opisyal sa kasundalohan ug lokal nga panggamhanan.
Mikabat sa 100 ka mga kanhi miyembro sa New People’s Army (NPA) ang nakabenepisyo diin ila kining giila nga dakong tabang alang sa pagsugod sa ilang bag-ong kinabuhi.
Nasayran nga ikaduhang hugna na kini sa pagtunol ug hinabang sa mga kanhi rebelde ilalom sa Enhanced Comprehensive Local Integration Program (E-CLIP).
Laing insentibo sab ang gitunol sa laing 80 ka mga former rebels gumikan kay nagdala kini ug tag-as nga armas atol sa ilang pagtahan sa kasundalohan.
Samtang gikanayon sab ni Davao de Oro Gov. Jayvee Tyron Uy nga nagplano sila ug lain pa nga programa nga makatabang sa mga kanhi rebelde nga makasugod sa ilang bag-ong kinabuhi ilabi na nga dili sumala pa tanan ang makabenepisyo sa E-CLIP
