10 years na nga member sa KOJC gipanghimakak nga na rescue siya sa PNP kabahin sa human trafficking

Gipanghimakak sa usa ka 53 anyos nga babae ang una nang gibutyag sa PNP nga biktima matod pa siya sa human trafficking sa KOJC.

Atol sa gipahigayong presscon sulod sa KOJC Compound kagahapon, giatubang ni Genelyn Bingil ug gipaklaro niini nga napulo na matud pa siya ka tuig nga misyonaryo sa KOJC ug wala usab siya gipugos ang kabahin sa iyang pag-atubang aron iyagyag ang kamatuoran.

Nagtinguha usab ang maong nahisgutan nga mahatagan matud pa ug katin-awan ang sayop nga pasumangil sa kapulisan batok sa KOJC.

Sa karun, kampante na matud pa ang iyang pamilya, labi na ang iyahang anak nga una nang gikuhaan ug pahayag sa PNP kabahin sa ginatuuhang nabiktima sa human trafficking.