DAVAO CITY – Isip kabahin sa Public Utility Vehicle Modernization Program (PUVMP) sa nationwide simultaneous launching ilawum sa Department of Transportation o DOTr, gipahibalo sa Land Transportation Franchising and Regulatory Board (LTFRB) nga sugdan na sa Hulyo 11, 2019 ang operasyon sa napulo ka mga public utility bus units nga adunay rutang Davao City – Maragusan, Compostela Valley vice versa sa Davao City Overland Transport Terminal (DCOTT).
Una ng gibutyag ni LTFRB XI Regional Director Atty. Armand B. Dioso nga nindot ang nahisgutan nga bus unit gumikan kay komportable kini sa mga pasahero tungod aduna kini flat-screen television, closed-circuit television (CCTV), dashboard camera, Global Navigation Satellite System (GNSS) receiver pinasubay sa Omnibus Franchising Guidelines (OFG).
Naglaom sab ang ahensiya nga daghanan pang mga rota ang sa Davao region ang gikatakdang ilusad sa umaabot pa nga mga panahon.
