DAVAO CITY – Gikatakdang ipailalom sa mga programa sa kagamhanan ang napulo ka mga sakop sa New People’s Army (NPA) nga una ng mibalik sa sabakan sa kagamhanan sa Sitio Mission, Barangay Andap, New Bataan, Davao De Oro dala ang ilang mga armas.
Sumala pa kang Police Regional Office (PRO) 11 regional director Brigadier General Benjamin Silo Jr. nga ang mga sakop sa Davao Norte Provincial Mobile Force Company (DNPMFC), Provincial Intelligence Team (PIT) Davao Norte ug Regional Intelligence Division 11, ingon man Provincial Intelligence Board ang nagpahigayon ug massive implementation sa Internal Security Operations Campaign Plan sa PNP nga “Kapatagan of the National Task Force-Ending Local Communist Armed Conflict (NTF-ELCAC).
Tungod sa maong aktibidad, boluntaryo nga mitahan ang 10 ka mga NPA members ilalom sa Weakened Guerilla Front 2 (WGF 2) ug Sub-Mindanao Command (SRC) nga nag-operate sa Davao region.
Ang nahisgutan nga mga rebel returnees naila lamang nga sila si alias Junior; Karding; Benjil; Bud; Tatay Molong; ug alias Abloy.
Kalakip sab sa mitahan si alyas Bebing; Rose; Flower; ug Georgia. Susama karun nga gipailalom ang mga surrenderees sa protective custody sa DNPMFC alang sa pagpahigayon ug Custodial Debriefing Report (CDR) ug uban pang gikinahanglan nga mga proseso arun nga maka-avail sa Enhanced-Comprehensive Local Integration Program (E-CLIP).
Samtang narekober sab sa mga kapulisan ug kasundalohan ang pipila ka mga armas sulod sa bisinidad sa Sitio San Vicente, Tuburan, Mawab, Davao Oro. Gilangkuban kini sa upat ka unit sa AK 47 Chicos; AK47; M14; 2 M16 rifles; M79 Tube; ammunition; ug 11 ka mga steel magazines.
Ang pagka-rekober sa nahisgutan nga mga armas ang hinungdan sa gipakusgan nga operasyon sa PRO-11 batok sa loose firearms.
Gipasalig karon sa regional police nga mumugna ug mga programa ingon man aktibidad nga makapalig-on sa relasyon sa kumunidad ug makapa-awhag ug suporta sa publiko pinaagi sa pagtapos sa local communist armed conflict sa nahisgutan nga lalawigan.
