DAVAO CITY – Gilusad sa Land Transportation Franchising & Regulatory Board (LTFRB) sa pagpanguna sa Chairman niini nga si Martin B. Delgra III, LTFRB XI Regional Director Don Llanos III, ug ni Department of Transportation (DOTr) USec. For Road Transport & Infrastructure Atty. Mark Steven Pastor, ang unang napulo ka mga Premium Taxi nga gikatakdang mobyahe sa nag-unang mga rota sa dakbayan isip kabahin sa pagpangandam sa total modernization program sa transportasyon.
Subay sa LTFRB Memorandum Circular 2019-032 o ang Taxi Modernization Program, ang nahisgutang mga premium taxi units ang nagbaton ug moderno features sama sa free internet access sa mga apsahero, on-board navigation system (GPS) o mobile-based application, dashboard ug occupancy cameras nga adunay continuous recording sa nakalabay nga 24 hours sa operasyon, ug automatic fare collection pinaagi sa cashless cards.
Ang Taxi Modernization Program ang namugna subay na usab sa nagmalambuon nga tourism industry ug pag-usbaw sa populasyon sa dakbayan.
Sa karon, bugtong ang Cymae Transpo OPC pa lamang ang nahatagan ug Premium Taxi franchise sa Region XI kinsa nahatagan ug unang 1o sa 30 ka mga units nga minimum subay sa Memorandum Circular.
Kahinumduman nga ang dakbayan sa dabaw mao lamang ang nag-inusara gikan sa 6 ka mgka syudad nga nagbaton sa maong franchise, gawas sa Metro Manila ug Cebu City.
