DAVAO CITY – Usa na lamang ka barangay ang natala karon sa dakbayan sa dabaw nga naa sa Low risk sa covid 19, nga mao ang Barangay Cabantian.
Subay sa labing ulahi nga barangay classification sa covid 19 cases sa dakbayan sa dabaw, ang nahabiling 181 ka mga barangay na naa na karon sa minimal risk.
Kini nagpasabot nga wala nay mga kaso sa covid 19 ang natala sa kadaghanang mga kabarangayan sa dakbayan.
Subay sa gipagawas sa lokal nga kagamhanan sa dkabayan sa dabaw alang sa May 16 – May21, 2022 nga barangay classifications wala nay critical risk, high risk, ug moderate risk barangays sa davao city.
Sumala ni Dr Michelle Schlosser, spokesperson sa task force covid 19 dili gihapon angayan nga mokompiyansa ang katawhan gumikan kay aduna gihapoy pipila ka mga dapit sa Davao region o kasilinganan nga mga probensiya ang padayon nga mitala ug pipila ka mga kaso sa covid 19.
