DAVAO CITY – Dakong kasubo usab ang nasinatian sa mga kaigsoonang Filipino nga nanimuyo sa Japan sa pagkamatay ni kanhi Japan Priminister Shinzo Abe kinsa gipusil-patay kagahapon samtang nag-speech kini sa usa ka kampanya.
Gikanayon ni Saori Omega, Bombo International Correspondent kinsa anaa sa Japan karon, gibanabanaan anaa sa 90 ka tawo ang mitambong sa maong pulong atubangan sa usa ka train station sa Nara,Japan, diin sumala pa abi lamang sa uban nga adunay mibuto nga ligid sa sakyanan apan sa dihang natumba ang prime minister, didto nasuta nga dunay gun shooting nahitabo hinungdan nga nasikop gilayon ang suspek, kinsa misulay pa sa pag ikyas.
Giila ang suspek nga si Yamagami Tetsuya, 41 anyos , ulitawo, usa ka kanhi military kaniadtong 20 anyos pa lamang , kasamtangan gahimo og part-time jobs.
Sumala pa kang Saori , ang supek adunay higala nga nalambigit sa usa ka organisasyon nga dili uyon sa kanhi Prime minister.
Giklaro pa sa correspondent nga wala matud pa kini kalabutan sa politics apan posible mga mahibaw-an ang hinungdan sa tumong niini usa pa ka bulan gikan karon tungod nagpadayon pa gihapon ang imbestigasyon sa otoridad.
Sumala kang Saori, gipangutana sa mga kapulisan ang Suspek sa motibo niini sa krimen apan mitubag lamang kini nga buot lamang niya patyon ang kanhi prime minister.
Ayha ang insidente, nakita sab sa CCTV ang suspek nga misakay og train padulong sa dapit kon asa gipahigayon ang panagpulong.
Sa kasamtangan, balhug sa prisohan ang suspek ug wala kini gihatagan og pyansa samtang nagpadayon ang imbestigayon sa otoridad.
Via || Hana Rallos
