DAVAO CITY – Nagkauyon ang Local Zoning Appeals Board nga mosubay una sa mga legal nga opinyon ayha mohimo ug aksiyon kalabot sa isyu sa usa ka Mall sa Mintal nga gipasirad-an human nga nagkulang ang permits, ilabi na ang zoning permit.
Matud pa kang Davao City Planning and Development officer Ivan Cortez, nahisgutan sa Local Zoning Appeals Board ang isyu sa Gaisano apan gi-defer kini gumikan kay kinahanglan nila ang legal opinion sa maong isyu.
Nasayran nga ang board gilangkuban sa mga miyembro nga gikan sa mga pribadong sektor ug kinahanglan una nila nga I-refer ang kaso sa usa ka pribado nga abogado.
Kahinumduman nga dili pa gihapon mamahimo nga tugtan sa lokal nga panggamhanan ang establisyemento nga mag-operate gumikan kay wala kini “license to operate” bisan ang pagtukod sa maong gambalay.
Gitataw sab ni Cortez nga ang Local Zoning Ordinance nga napalabang kaniadtong tuig 2013 wala sumala pa na-classify sa tanan nga mga area nga daplin sa dalan partikular na ang Calinan ug Mintal aron nga malikayan ang parehas nga mga scenario sa downtown areas.
