Gikatakdang imbitahan sa Senate Blue Ribbon Committee sila kanhi House Speaker Ferdinand Martin Romualdez ug ang mi-resign nga si Ako Bicol party-list Rep. Elizaldy Co.
Kini aron hatagan og katin-awan ang ilahang pagkalambigit sa isyu sa anomalya sa mga flood control projects.
Sumala ni Senate President Pro Tempore Panfilo Lacson, nga maoy nangulo sa Senate Blue Ribbon Committee, nga naghulat pa sila sa kalamboan sa kaso sa wala pa i-schedule ang sunod nga hearing, ug didto ipadala ang imbitasyon.
Ang imbestigasyon kang Romualdez ipahibalo pinaagi kang House Speaker Faustino Dy III, samtang ang imbitasyon alang kang Co ipadala na lamang sa iyang address.
Gisalikway usab sa Senador ang mga pasangil nga aduna silay gina-target o paborito nga mga personalidad, ni protektado nga mga tawo sa ilahang ginahimong imbestigasyon.
