Gipahibalo ni kanhing Ako Bicol Rep. Zaldy Co nga daghan pa siyang ipadayag nga detalye bahin sa giingong korapsyon sa flood control projects, base sa ikatulong video nga iyang gipagula niadtong Dominggo, Nobyembre 16, 2025.
Lakip sa iyang gipasabot mao ang mga giangkon matud pa nila kanhing DPWH Bulacan 1st District Engineer Henry Alcantara ug uban pang gitawag niyang “DPWH boys” atol sa imbestigasyon sa Independent Commission for Infrastructure (ICI).
Gipaklaro usab ni Co nga dili P21 bilyon apan P56 bilyon ang gidak-on sa giingong kickbacks nga mitumbok matud pa ngadto ni President Ferdinand Marcos Jr. ug kanhing House Speaker Martin Romualdez.
Nahinumdoman nga sa Senate hearing niadtong Septyembre, giangkon ni Henry Hernandez nga siya mismo ang nag-deliver og hapit P1 bilyon nga kwarta sulod sa mga maleta ngadto sa usa sa mga staff ni Co.
Matud pa ni Co, iapil niya ang kompletong detalye sa mosunod pang mga adlaw ug naglaum siyang dili siya mapatay sa dili pa niya malantad ang tanan niyang nahibaw-an.
