DAVAO CITY – Gilauman sa mga magtutudlo nga mahatag na kanila ang ilang giyangongo nga dugang sweldo, allowance ug bugas matag bulan isip pagsaulog sa adlaw sa mga magtutudlo.
Sumala pa kang Reynaldo Pardillo, Presidente sa kahugpungan nga ACT-Davao sa mga magtutudlo nga dugay na nila nga gipasibaw sa kagamhanan ang ilang mga mulo, apan wala pa gayud kini mahatag kanila.
Mi-apela sab sa Department of Education ang ACT Davao nga undangon na ang pgpatuman sa result-base performance management system.
Suportado sa Department of Education ang gipangayo sa mga magtutudlo nga dugang sweldo ug allowance ug usa ka sako nh bugas.
Kini ang gihatagan ug pagtagad ni Dep Ed eleven Spokesperson Mr. Genelito ‘Dodong’ Atillo.
Ang gisaad nang daan ni Pngulong Rodrigo Duterte ang ilang gipangayo, ug gilauman nga mahatag na kini karong sunod tuig.
Sa kasamtangan nagdawatan ug baynte mil ka pesos ang mga Teacher 1, samtang ang mga non-teaching staff nagdawatan ug P16 mil ka pesos matag bulan.
Sa mga State Colleges and Universities mokabat ngadto sa P31 mil ka pesos ang entry level sa instructor 1.
