DAVAO CITY – Pormal nang gisumite ngadto sa National Economic and Development Authority 11 ang gikasugyot nga Waste-To-Energy project sa Davao City.
Gikanayon ni Committee for Environment chairman ug Davao City Councilor Tek Ocampo nga ginapaabot na lamang nga maaprubahan kini sa NEDA 11 ug DENR 11.
Dugang pa sa konsehal nga nahimo sab ning aprubado sa DOE nga nagpadayab sab ug suporta alang sa maoong proyekto.
Dagko ang pagsalig ni Ocampo nga makatabang ang maong proyekto aron makunhuran ang nagkadaghan nga pundok sa basura sa dakbayan nga kaniadtong anaa lamang sa 600 ngadto 700 metriko tonelada, ug karong miabot na sa 1000 metriko tonelada.
Kahinumdumang nakasara ug deal ang lokal nga panggamhanan sa Davao City alang sa WTE facility diin kaabag niini ang gobyerno sa Japan alang sa P3.5 billion nga pundo nga gamiton sa pagtukod og usa ka pasilidad nga itukod sa 10 ektaryas nga luna sa Barangay Biao Escuela, Tugbok District, ning dakbayan.
Samtang gilauman sab ni Mayor Baste Duterte nga aprubahon sa national government ang dugang pang P3 miilion nga funding alang sa WTE facility.
Kahinumdiman sab nga naghangyo ang nterfacing Development Interventions for Sustainability kon IDIS-Davao ngadto sa Japan International Cooperation Agency kon JICA nga mag-back out na sa maong proyekto tungod sa posibleng kadaot nga hatud niini sa kinaiyahan ug agrikultura sa dakbayan.
via || Bombo LJF
