DAVAO CITY – Miapela og suporta ang OFW sa France alang sa world cup defending champion France Football team alang sa final game niini sa December 18 batok sa nasud nga Argentina.
Gikabutyag ni Bombo International Correspondent Dick Villanueva, nga dunay purong Pinoy sa France Football National team nga naapil sa World Cup 2022 sa Qatar.
Usa ka Alphonse Francis Areola kinsa taga Davao City, usa matod pa si Areola sa mga substitute goalkeeper sa team sa France nga nahimong yawe sa pag champion sa France sa world cup below 23 category.
Sumala pa ni Villanueva, daw sama nga gikuyawan karon ang Argentina gumikan sa gipakitang kaabtik sa opensa ug depensa sa France.
Gikabutyag usab ni Villanueva nga gumikan sa excitement nga gibati sa football fans sa France atol sa semifinal game sa France vs Morocco, gihimo ng barikada sa kapulisan sa Paris ang mga police van aron lang nga maprotektahan ang mga luxury store sama sa Louis Vuitton gumikan sa kadaghan tawo og posibilidad nga makawatan ang mga mahalon nga estblishemento.
Nasayran nga mag agbat karong adlaw nga Domingo, Desyembre 18 alang sa championship ang France vs Argentina.
Exciting ang mamahimong final game sa world cup, gumikan, tinguhaon sa France nga madepensahan ang ilang titulo isip defending champion samtang sa panig sa Argentina, maninguha usab ang team ni Lionel Messi aron makab-ot ang kadaugan alang iyang ulahing World Cup game.
