DAVAO CITY – Hugtanong ipatuman karon ang Davao City Women’s code sa mga kandidata sa Mutya ng Dabaw 2018.
Matud pa kang Dan Salvaña Jr., organizer sa Mutya ng Dabaw 2018, gipasalig nila nga nakiglambigit sila kang Lorna Mandin, head of Integrated Gender and Development Division, diin gipahimangnoan na nila ang handlers ug organizers kalabot sa women’s code sa siyudad.
Una ng gibutyag ni Mandin nga kung mapili na ang mga official candidates, mosalmut siya sa orientation nga ipahigayon ugmang adlawa aron nga pahimangnoan ang mga handlers ug organizers aron malikayan ang bisan unsa man nga sayop.
Nasayran nga atol mismo sa pageant, walay ipahigayon nga swimsuit category. Karung tuiga, kalakip sa tema sa Mutya mao ang modern Dabawenya ug women empowerment.
Ipakita sumala pa niini nga aduna nay katakos ang mga kababaenhan nga himuon ang mga butang nga sagad himuon usab sa mga kalalakin-an diin ila kining ipakita pinaagi sa video presentations.
Gikanayong ang bulan sa Marso gideklarang Women’s Month.
