Gilamoy sa kalayo ang usa ka wing van human sa nahitabong sunog nga anaa sa kilid sa Grand Mall, sa Digos City pasado alas Otso kaganihang buntag.
Subay sa inisyal nga impormasyon gikan sa mga otoridad, adunay karga nga mga grocery stocks nga gikatakda nga i-deliver sa maong mall sa recieving area.
Sumala pa sa mga nakasaksi, una matud pa nga nasangit sa live wire ang maong truck nga kini maoy hinungdan sa posibling pagkasunog nga kini gipailawom pa usab sa beripikasyon tungood sa pag-spark sa kuryente.
Sa pagkakaron, padayon usab ang imbestigasyon sa Bureau of Fire Protection (BFP) aron masuta kung unsay hinungdan sa kalit nga pagsugod sa sunog sulod maong sakyanan.
Samtang sa laing bahin nakadawat usab og pagsaway ang sa mga nitizen ang pagrespondi sa usa ka fire truck tungod wala matud pa’y niagas nga tubig sa hose atol sa maong panghitabo.
Makita sa video nga walay niagas sa hose samtang nagpaduol ang duha ka mga bombero hinungdan nga gigamit niini ang water cannon.
Hinuon, naalibyuhan usaab ang maong panghitabo og napalong usab ang miuulbo nga kalayo.Sa pagkakaron, ginasuta usab ang kinatibuk-an nga danyos sa maong panghitabo.
