Nahisubo ang World Health Organization (WHO) sa abiso sa Estados Unidos nga hingpit na kining mubiya isip kabahin sa organisasyon.
Matod pa sa WHO nga dako ang gikahatag sa Amerika sa mga kalampusan sa organisasyon, lakip na ang pakigbatok sa smallpox ug pakigbatok sa polio, HIV, Ebola, influenza, tubercolosis, malaria ug uban pang sakit.
Gibatikos sa Estados Unidos ang matod pa kapakyasan sa WHO sa COVID-19 pandemic apan gikanayon sa WHO nga paspas ug klaro ang nahimo nilang aksyon sa pagpaambit ug inpormasyon ug pagsuporta sa mga nasud.
Hugot usab gipanghimakak sa WHO ang pasangil nga nahimo kining politisado ug gipangunahan sa mga nasud nga nakigbatok sa interes sa Amerika, ug gikanayon nga nagpabilin kining impartial ug matinud-anon sa tanang 194 ka mga member states.
