Gilunsad karong adlawa ang White Ribbon Movement (WRM), usa ka non-partisan coalition nga gilangkuban sa mga faith-based organizations ug civil society groups nga nagtumong sa pagduso sa mga reporma sa nasud.Lakip sa mga gipasikad sa maong grupo ang pakigbatok sa korapsyon, pagdili sa political dynasties ug pagpalig-on sa kredibilidad sa mga eleksyon sa Pilipinas.
Dungan sa paglunsad niini, pormal usab nga gipahibalo sa WRM ang ilang gikatakdang malakihang kilos-protesta sa People Power Monument sa Hunyo 28.Sumala pa kang Colin Bagaforo, ang nasudnong rally sa Hunyo 28 maoy pagpadayon sa mga panawagan nga unang gipakita sa Trillion Peso March niadtong miaging tuig.
Sa kasamtangan, nagpadayon ang pagpangandam sa mga organisasyon nga kabahin sa WRM alang sa maong kalihokan samtang gilauman ang pag-apil sa nagkadaiyang sektor sa katilingban.
