DAVAO CITY – Nakadawat na sab ug pasidungog ang mga sakop sa kapulisan dinhi sa dakbayan kini human nga giila ang Women and Children’s Protection Desk (WCPD) sa Davao City Police Office (DCPO) isip best city ug provincial police unit sa rehiyon atol pagsaulog sa National Women’s Month celebration karung tuiga.
Kahinumduman nga gipahigayon ang awarding kagahapon sa Police Regional Office (PRO) 11, sa Camp Sgt Quintin M Merecido, Buhangin ning dakbayan diin gipangunahan kini ni Police Brigadier General Edgar Allan Okubo, the deputy regional director for administration (DRDA).
Gawas niini anaa sab sa 1st runner ang DCPO sa Investigator’s Olympics human nga nahimo kining kabahin sa 2022 National Women’s month celebration.
Una ng nagpadayag si Colonel Alberto Lupaz, acting city director sa DCPO ug pagpasalamat sa tanan nga mga WCPD personnel gumikan sa ilang gipakitang performances isip kabahin sa ilang malampuson sa nga operational ug administrative accomplishments.
Gidayeg sab niini ang team nga mihatag sa ilang maayo nga serbisyo ilabi na ang paghupot sa crime scene processing ug investigation-involving gender-based violence kini atol usab sa gipahigayon nga Investigator’s Olympics sa milabay nga semana sa Police Regional Office 11 headquarters.
Gipasalig karon sa DCPO nga ila pang doblehon ang pagpaningkamut aron lamang masiguro nga mahatag nila ang maayong serbisyo ngadto sa publiko.
