Warrant of Arrest batok Atong Ang gipagawas na sa korte

Hingpit na nga giisyu ang ‘warrant of arrest’ batok sa gaming business tycoon nga si Charlie ‘Atong’ Ang kabahin sa kaso nga adunay kalabotan sa pagkawala sa mga sabungero.

Sumala sa kopya nga gipaambit sa Department of Justice, ang Sta. Cruz, Laguna Regional Trial Court Branch 26 maoy nagpagawas sa arrest warrant batok sa negosyante ug sa uban pang akusado.

Ilahang atubangon ang kaso nga ‘kidnapping with homicide’ tungod sa sumala pa pagkalambigit niini sa missing sabungeros case.

Sa ikaduhang pahina sa kamanduan gikan sa korte, gimanduan niini ang mga awtoridad sa pagdakop kang Ang ug sa iyang mga kauban nga akusado.

Wala’y bail kon piyansa nga gitakda ang hukmanan alang sa kaso nga kidnapping with homicide batok sa negosyante.