DAVAO CITY – Giklaro ni House Speaker Pantaleon Alvarez, nga ang pagpagula sa warrant of arrest batok kang Businessman and Davao del Norte 2nd District Representative-elect Antonio “Tonyboy” Floirendo Jr. pagpadayag lamang nga sa kasamtangan nga administrasyon ubos kang Pangulong Rodrigo Duterte nagtuyok ang ligid sa hustisya sa nasod.
Pamatuod sab sumala pa kini nga wala’y pili, makabus man o ma-adonahan.
Sumala pa kang House Speaker Alvarez nga ang kaso nga gi-atubang ni Floirendo mamahimong kapyansahan.
Maisiip nga documentary lamang ang nahisgutan nga kaso gumikan kay dinhi masuta nga naglingkod siya nga kongresista siya sa dihang gi-abangan ang kayuta-an sa DAPECOL diin daw nadesbintaha-an ang kagamhanan.
Giila sab siya nga kalakip sa nanag-iya sa TADECO ug wala modivest.
Usa ka saksi nga surveyor nga mopamatuod nga ang ilang gi-abangan singko ektaryas, apan ang ilang gi-okopahan nga yuta sa kagamhanan sobra sa singko mil. Kwatro mil ektaryas ang ilang gigamait nga wala nila abangi. Tataw sumala pa kini nga plunder.
