Gikanayon pag-usab ni Justice Secretary Jesus Crispin Remulla nga posibleng adunay koneksyon ang pagkahanaw sa mga sabungero sa war on drugs ni kanhing Pang. Rodrigo Duterte.
Kini ang giluwatang pahayag sa opisyal human nga misubmitar na og affidavit complaint si alias “Totoy” kagahapong adlawa.
Sumala pa ni Sec.Remulla, adunay mga panghitabo nga nalambigit ang usa ka personalidad nga konektado sa E-sabong nga lakip usab sa iligal nga droga nga lakip niini ang usa ka indibidwal nga nadakpan sa Bulacan nga karon anaa na sa kostudiya na sa mga otoridad sa Batangas.
Samtang gipakita usab sa opisyal, ang posibilidad nga adunay mas lawom pa nga koneksyon tali sa E-sabong operations ug drug syndicates, nga posibleng nagtukmod sa pagpapatay o pagkahanaw sa mga sabungero nga hangtod karon nagpadayon ang pagpangita sa mga sabungero.
