DAVAO CITY – Usa ka alyas Alvino nga wanted sa kasong pagpanglugos ang gidakop atol sa gipahigayong manhunt charlie operation sa Purok Durian, Barangay Carmen, Boston, Davao Oriental, sa miaging adlaw.
Ang nahisgutang suspek, giila isip top 1 most wanted person sa municipal level ug top 8 sa provincial level sa kapulisan.
Gidakop si alyas Alvino pinaagi sa warrant of arrest nga gipagawas tungod sa mga kasong Rape ug Acts of Lasciviousness nga may kalabutan sa Republic Act 7610 kon Special Protection of Children Against Abuse, Exploitation and Discrimination Act.
Walay pyansang ipahamtak ang maong mga kaso busa gitanggong ang dinakpan sa Boston Municipal Police Station samtang ginaatubang na ang mga gilaumang aksyon sa korte atol sa iyang kaso.
via || Bombo LJ Florendo
