DAVAO CITY – Nag-atubang ug kasong paglapas sa Republic Act 10883 kon New Anti-Carnapping Act of 2016 ang kanhi sakop sa Tagum City Traffic Management Office nga usa ka Jan Audie Rodriguez Perez, 36 anyos, ug residente sa Purok Cervantes, Magugpo North, Tagum City, Davao del Norte.
Subay sa warrant nga gipagawas sa Judicial Regional Branch 30 sa Regional Trial Court XI, nagpahigayon dayon ug manhunt charlie operation ang mga sakop sa Davao del Norte Provincial Highway Patrol Group uban ang Davao del Norte Provincial Intelligence Unit ug Tagum City Police Station didto sa iyang tugkaran.
Wanted ang dinakpan nga nalambigit sa carnapping busa gibalhug na siya karon sa selda aron atubangon ang iyang kasong walay gipahamtak nga piyansa.
via || Bombo LJ Florendo
